2013. նոր ծրագրեր, նոր սպասումներ

Ամեն տարեմուտին յուրաքանչյուրս մտորելու, մտքերն ի մի բերելու պատեհություն ենք ունենում. ինչ փոխվեց կյանքում, երկիրն ինչ առաջընթաց ունեցավ, ինչ ծրագրեր մնացին թերի, բարեկեցիկ կյանքի ինչ երաշխիքներ է խոստանում գալիք տարին: Իսկ առանց առողջության ինչ բարեկեցիկ կյանքի մասին կարելի է երազել: Հետևաբար, առողջությունն է մարդուն հնարավորություն տալիս մտավոր և ֆիզիկական կարողությունները ծառայեցնել հասարակության, սեփական ընտանիքի բարօրրությանը: Իսկ առողջ ընտանիք` նշանակում է ամուր հասարակություն, բնականաբար, ամուր պետություն:

Տասնամյակներ շարունակ Առողջապահության ազգային ինստիտուտը բժիշկների կատարելագործման, շարունակական կրթության դարբնոց է եղել: Այսօր ինստիտուտը կոչված է առաջատարը լինել միջազգային բժշկագիտական մոտեցումների և տեխնոլոգիաների ներդրման գործընթացում: 

Մենք հրաժեշտ ենք տալիս 2012 թվականին, որն առողջապահական համակարգի համար կարելի է բեկումնային համարել: Գալիք տարին ևս խոստումնալից  է  նոր ծրագրերի և բարեփոխումների առումով:

Շնորհավորում եմ մեր համաքաղաքացիների, առողջապահության բնագավառի բոլոր աշխատողների Ամանորն ու Սուրբ Ծնունդը:

Թող 2013 թվականը լինի խաղաղության, մասնագիտական ձեռքբերումների, առողջության տարի, թող հայոց բոլոր օջախներում իշխի երջանկությունը, բարեկեցիկ և առողջ ապրելակերպը` Հիպոկրատի երդվյալների բարձր հովանավորությամբ:

Հարցեր, պատասխաններ, մեկնաբանություններ